Tujhe batana jaruri hai । Aashish Vyas

Mothers day Special poem Recitation 2 min


maa

aaj kaa ye ansh mere man ki gahraai se hai maa ke lia
kuchh baate aisi hai jo vo jaanti thi
jo main use hameshaa boltaa thaa
ki main use kitnaa pyaar kartaa hu
mujhe garv hai es baat par ki apne jajbaaton
ko jaahir karne me maine kabhi sharm nahi ki
kuchh baate aisi hai jo mujhe aashaa hai
duvaaan banakar us tak jarur pahuch jaayengi

kuchh ahsaan hai teraa mujhapar
jo tujhe bataanaa jaruri hai
tu mere aaspaas ho naa ho
par teraa mere dil ke paas honaa jaruri hai

jo dard sahe the tune mere lia
un dard par maraham lagaane jaruri hai
tujhse baat ho yaa naa ho
par baaton me teraa honaa jaruri hai

jo lori gaayi thi tune mere lia
un loriyon kaa saarthak honaa jaruri hai
chandaa yaa suraj rahu yaa naa rahu
teri aankh kaa mujhe taaraa honaa jaruri hai

maa hi  ek aisaa shakhsh hotaa hai hamaari jindgi me
jo hamaare lia ham se jyaadaa sochtaa
hamaare lia hamse jyaadaa duvaaan karti hai
aur hame hamse 9 mahinaa jyaadaa jaantaa hai
aage ki panktiyaa unhi par aadhaarit hai

jo sapne dekhe the tune mere lia
vo sapne sach hone jaruri hai
teri aankhon me aanshu kabhi n rahen
mere har aanshu me teri parchhaai honaa jaruri hai

jo praathnaaa ki thi tune prabhu se
vo praarthnaaan svikaar honaa jaruri hai
teri aavaaj mujhatak pahuche naa pahuche
meri duaaan tujhatak pahunchni jaruri hai

hai mai apne bachche kaa pahlaa adhyaapak hoti hai
aur bachche apni maan se hi bahut kuchh sikhte hai
main bhi apni maan se bahut kuchh sikhaa hai
jin par main abhi bhi kaayam hu
aage ki panktiyaa unhi par aadhaarit hai

jo baaten sikhaa gayi thi tu
vo baate yaad rakhnaa jaruri hai
bas ek baar tujhe phir dekhalu
teraa phir jamin par aanaa jaruri hai

kahte hai naa ki upar vaalaa sabko dekhtaa hai
aage ki panktiyaa upar vaale par hai

uparvaalaa gar sabko dekhtaa hai
use dekhne vaalaa bhi koi honaa jaruri hai
aur agar uske paas bhi maa hai
to mere dard kaa use ahsaas hone jaruri hai
mere dard kaa use ahsaas hone jaruri hai

shaayad mere dard kaa ahsaas hi huaa hogaa
ki isvar ne maa samaan bhaabhi bhej di
aakhri chaar panktiyaa meri usi bhaabhi ke lia

har pharj nibhaayaa hai mann se tune
teraa ye karj chukaanaa jaruri hai
tu chaahe mujhe bhaiyaa bulaaye
par meraa tujhe maa bulaanaa jaruri hai

happy mothers day
sabhi maao ko aur unhen bhi jo maan ban ne jaa rahe hai ।

Aashish Vyas

https://youtu.be/R9Ixy-2oVOI


Like it? Share with your friends!

0 Comments

Your email address will not be published. Required fields are marked *

Choose A Format
Story
Formatted Text with Embeds and Visuals

Send this to a friend

Hey, I found this article on BuddyBits. Check it out.

https://buddybits.com/2019/05/tujhe-batana-jaruri-hai-%e0%a5%a4-aashish-vyas/